Ym 1875, etholwyd Bwrdd Ysgol ar gyfer Caerdydd a dechreuodd yn syth ar y gwaith o adeiladu'r hyn y cyfeiriwyd atynt fel Ysgolion Bwrdd. Adeiladwyd dwy yn Butetown. Agorodd y gyntaf, Eleanor Street, ym 1878 ac yna South Church Street flwyddyn yn ddiweddarach. Roedd gan y ddwy 3 adran annibynnol – bechgyn, merched a babanod – bob un â'i phennaeth ei hun. Roedden nhw’n adeiladau ysblennydd wedi’u cynllunio gan benseiri yn fynegiant o falchder dinesig. Roedd yr ystafelloedd dosbarth yn fawr ar gyfer hyd at 60 neu 70 o ddisgyblion.
Ochr yn ochr ag Ysgolion y Bwrdd roedd ysgolion Eglwys Loegr yn Heol Clarence a North Church Street ac ysgol Gatholig, St Cuthberts, yn Stryd Pomeroy.
Yn sgil ailddatblygu Butetown mae’r rhain i gyd wedi diflannu ar wahân i Santes Fair y Forwyn yn North Church Street.
Mae Ysgol Gynradd Mount Stuart wedi disodli’r lleill yn ardal y Dociau, ac fe’i hagorwyd ym 1973. Mae cerflun goffa i Betty Campbell a fu'n bennaeth yno - y pennaeth du cyntaf yng Nghymru - ac oedd yn athro hanes pobl dduon arloesol, yng nghanol Caerdydd.
Mae Ysgol St Cuthbert wedi symud i leoliad newydd.
Agorwyd ysgol Gymraeg newydd Ysgol Hamadryad yn 2019.
